Velox Business

طريقة استخدام Velox Business

من التسجيل لأول حجز، خطوة بخطوة. كل شي من موبايلك.

  1. 01

    نزّل التطبيق

    حمّل Velox Business على موبايل أندرويد من زر «تحميل التطبيق» بأول هالصفحة. إذا طلب الموبايل السماح بالتثبيت من مصادر أخرى، اسمح له مرة وحدة.

  2. 02

    أنشئ حسابك

    افتح التطبيق واضغط «إنشاء حساب». اختار نوع المكان (مطعم أو صالة ألعاب)، اكتب اسم المحل والإيميل وكلمة السر، ووافق على الشروط. بيوصلك كود على الإيميل لتأكيده.

  3. 03

    التفعيل

    بعد التسجيل بتطلع شاشة «بانتظار التفعيل». اطلب الاشتراك من نفس الشاشة، وفريق Velox بيتواصل معك وبيفعّل الحساب. بعدها اضغط «تحديث» وبتفوت عالتطبيق.

  4. 04

    جهّز صفحة محلك

    من «الملف»: حط اللوغو وصورة الغلاف والوصف، حدّد موقعك عالخريطة، واكتب أوقات الدوام. هي المعلومات يلي بيشوفها الزبون بتطبيق Velox.

  5. 05

    ارسم المكان

    من «المخطط» أو «الطاولات»: أضف الطوابق والأقسام، وحط الطاولات (أو الأجهزة، البلياردو، السنوكر، البولينغ…) بنفس مكانها الحقيقي وبعدد كراسيها. الزبون بيحجز الطاولة يلي بيشوفها بعينه.

  6. 06

    المنيو

    من «المنيو»: أضف الأقسام والأطباق مع صورة ووصف لكل طبق، بالعربي والإنكليزي. فيك توقف أي طبق مؤقتاً إذا خلص، وأي تعديل بيبين فوراً عند الزبائن.

  7. 07

    QR المنيو عالطاولات

    من «رموز QR» اضغط «تنزيل الصورة للطباعة»: بتنحفظ صورة الكرت بمعرض الصور. اطبعها وحطها عكل طاولة. الزبون بيمسحها بكاميرا الموبايل وبيفتح المنيو فوراً بدون ما ينزّل أي تطبيق.

  8. 08

    استقبال الحجوزات

    كل حجز جديد بيوصلك إشعار فوري حتى لو التطبيق مسكّر. من «الحجوزات» بتقبل أو بترفض بكبسة، ومن شاشة «اليوم» بتشوف كل حجوزات اليوم وحالة كل طاولة.

  9. 09

    حجز يدوي

    إذا حدا اتصل فيك أو إجا بدون حجز، سجّله من «حجز جديد» على الطاولة المناسبة، مشان ما تنحجز نفس الطاولة مرتين.

  10. 10

    تأكيد وصول الزبون

    لما يوصل الزبون، افتح «ماسح QR» وامسح الكود يلي بتطبيقه. هيك بيتسجّل إنو حضر. الزبون يلي بيحضر بوقته بياخد نقاط، ويلي بيلغي متأخر أو ما بيجي بيخسر.

  11. 11

    العروض

    من «العروض»: انشر عرض أو خصم، بيوصل للزبائن القريبين منك.

  12. 12

    التقييمات والتقارير

    من «التقييمات» بتقرا آراء الزبائن، ومن «التقارير» بتشوف عدد الحجوزات المؤكدة ونسبة الغياب كل أسبوع.

  13. 13

    اربط برنامج الكمبيوتر (اختياري)

    إذا عندك Velox Desktop (نقطة بيع وكاشير ومحاسبة على ويندوز): من «الإعدادات ← ربط الكمبيوتر» اضغط «إنشاء رمز»، واكتب الرمز (8 أحرف) ببرنامج الكمبيوتر. الرمز بيشتغل مرة وحدة وخلال 10 دقايق.

نصائح

  • اللغة (عربي/English) والاشتراك وتجديده من «الإعدادات».
  • خلّي الإشعارات مسموحة للتطبيق مشان ما يفوتك ولا حجز.
  • كل ما تغيّر المنيو، الـ QR المطبوع ما بيتغير: نفس الكرت بيعرض المنيو الجديد.

بتحتاج مساعدة؟ راسلنا على support@veloxbooking.com